Art is Fun

პროგრამის მიზანი:

Art is Fun არის ინოვაციური საგანმანათლებლო პროგრამა, რომელიც მიზნად ისახავს 6-12 წლის ბავშვებში შემოქმედებითი უნარების, კრიტიკული აზროვნების, კომუნიკაციის უნარ-ჩვევებისა და ინგლისური ენის ცოდნის განვითარებას. პროგრამა ქმნის ინკლუზიურ და ბავშვზე მორგებულ საგანმანათლებლო სივრცეს, სადაც ბავშვებს და მშობლებს შესაძლებლობა აქვთ ერთად გაატარონ დრო და დაეუფლონ სასარგებლო უნარებს.

მონაწილეობა და აქტივობები:

• პროგრამაში მონაწილე ბავშვები სწავლობენ გუნდურ მუშაობას, კრეატიულ აზროვნებას და კომუნიკაციის უნარებს.

• ბავშვები ივითარებენ ხატვის, ძერწვისა და შემოქმედებითი აქტივობების უნარებს.

• მშობლებს შესაძლებლობა აქვთ დაესწრონ შეხვედრებს, მონაწილეობა მიიღონ შვილებთან ერთად და განივითარონ ინგლისური ენის საბაზისო ცოდნა არაფორმალურ გარემოში.

ხანგრძლივობა:

პროგრამა ხორციელდება 2024 წლის თებერვლიდან ნოემბრის ჩათვლით.

მთავარი შედეგები:

• მონაწილეები აუმჯობესებენ ინგლისური ენის საკომუნიკაციო დონეს.

• ბავშვები იძენენ გუნდური მუშაობის გამოცდილებას და ავითარებენ შემოქმედებითობას.

• მშობლები და ბავშვები ერთად ატარებენ სასიამოვნო და სასარგებლო დროს, რაც ხელს უწყობს ოჯახური ურთიერთობების გაძლიერებას.

ფინანსური მხარდაჭერა და პარტნიორობა:

პროგრამა ხორციელდება კონსულტაციისა და ტრენინგის ცენტრის სოციალური ინოვაციების პლატფორმის პროგრამის ფარგლებში, ჰეკს/ეპერ სამხრეთ კავკასიის ფინანსური მხარდაჭერით.

განმახორციელებელი ორგანიზაცია:

პროგრამის შინაარსზე პასუხისმგებელია “სამეცნიერო-ინტელექტუალური კლუბი “თაობათა დიალოგი” (RICDOG).

სოციალური საწარმო:

პროგრამა დამოუკიდებლად აგრძელებს საქმიანობას, როგორც სოციალური საწარმო, რომელიც ხელს უწყობს განათლებასა და შემოქმედებითობას.