News - RICDOG

ივლისი 15, 2026 Uncategorized 140 views

RICDOG-ის მოხალისეები ევროპის დღის ღონისძიებაში ბათუმში ჩაერთნენ

სამეცნიერო-ინტელექტუალური კლუბის „თაობათა დიალოგის“ (RICDOG) მოხალისეები ევროპის დღისადმი მიძღვნილ ღონისძიებას ბათუმში შეუერთდნენ და აქტიური მონაწილეობა მიიღეს დღის განმავლობაში დაგეგმილი აქტივობების განხორციელებაში. ღონისძიების ფარგლებში RICDOG-ის გუნდი და ორგანიზაციის დაახლოებით 40 მოხალისე მხარს უჭერდნენ სხვადასხვა საგანმანათლებლო, შემეცნებითი და ინტერაქტიული აქტივობის ორგანიზებასა და განხორციელებას. აქტივობები მიზნად ისახავდა ევროპის შესახებ ინფორმაციის გავრცელებას, ევროპული ღირებულებების პოპულარიზაციასა და ათასობით დამთვალიერებლისთვის ევროკავშირის შესაძლებლობებისა და თანამშრომლობის სხვადასხვა მიმართულების გაცნობას. მოხალისეები ჩართული იყვნენ ღონისძიების სხვადასხვა ეტაპზე, რაც ხელს უწყობდა აქტივობების კოორდინირებულ და ეფექტიან განხორციელებას, ასევე სტუმრებთან უშუალო კომუნიკაციასა და მათ ჩართულობას. RICDOG-ისთვის მსგავსი მასშტაბის ღონისძიებებში მონაწილეობა წარმოადგენს შესაძლებლობას, ახალგაზრდებს პრაქტიკული მოხალისეობრივი გამოცდილება შესძინოს, განავითაროს მათი ორგანიზაციული და კომუნიკაციური უნარები და ხელი შეუწყოს აქტიური მოქალაქეობისა და ევროპული ღირებულებების გავრცელებას. ორგანიზაცია მადლობას უხდის ყველა მოხალისეს, რომელმაც საკუთარი დრო, ენერგია და გამოცდილება ამ მნიშვნელოვანი დღის წარმატებით ჩატარებას მოახმარა. მათი აქტიური მონაწილეობა კიდევ ერთხელ ადასტურებს, რომ ახალგაზრდების ჩართულობა მნიშვნელოვან როლს ასრულებს მასშტაბური საზოგადოებრივი ღონისძიებების განხორციელებასა და საზოგადოების ცნობიერების ამაღლებაში.

მეტის წაკითხვა

ივლისი 1, 2026 Uncategorized 357 views

„ხიდი აღარ არსებობს“ – როგორ დააშორა საკანონმდებლო ცვლილებებმა ხელისუფლება და ხალხი

ბოლო პერიოდში მიღებულმა საკანონმდებლო ცვლილებებმა ქვეყნის სამოქალაქო ცხოვრებაში მნიშვნელოვანი რყევები გამოიწვია. საინფორმაციო სააგენტო „ინფო იმერეთთან“ საუბრისას, RICDOG-ის თანამდაფუძნებელმა და თავმჯდომარემ, ნუგზარ კოხრეიძემ, ისაუბრა იმ მძიმე შედეგებზე, რომლებიც არასამთავრობო ორგანიზაციების შეზღუდვამ მოუტანა არა მხოლოდ სექტორს, არამედ პირველ რიგში – საქართველოს მოქალაქეებს, რომლებმაც სახელმწიფოსთან კავშირი დაკარგეს. კონტროლის მექანიზმების მოშლა: „მოსახლეობამ დაკარგა ყველაზე ეფექტური ინსტრუმენტი“ ნუგზარ კოხრეიძის შეფასებით, განვითარებული მოვლენების ყველაზე საგანგაშო შედეგი საზოგადოებრივი კონტროლის ბერკეტების გაქრობაა. მისი თქმით, ეს პროცესი პირდაპირ აისახება მოქალაქეების შესაძლებლობაზე, ზედამხედველობა გაუწიონ ხელისუფლების საქმიანობას როგორც ეროვნულ, ისე ადგილობრივ დონეზე. „თუ ზოგად სურათს ავიღებთ, უპირველეს ყოვლისა მოსახლეობამ დაკარგა მისთვის ყველაზე ეფექტური ინსტრუმენტი აკონტროლოს ხელისუფლება, ნებისმიერი ეროვნული თუ ადგილობრივი. კონტროლი ნიშნავს, რომ მათ აღარ აქვთ ინფორმაცია, თუ როგორ დგება ბიუჯეტი?, რა თანხებია გამოყოფილი ბიუჯეტში მათთვის განკუთვნილი უშუალო სერვისებისთვის? და როგორ შეიძლება საერთოდ -იყვნენ ჩართულები, რომ მათთვის სასარგებლო ბიუჯეტი იქნეს მიღებული…“ – ამბობს ნუგზარ კოხრეიძე ინტერვიუში. ინფორმაციული ვაკუუმი და კორუფციული რისკები RICDOG-ის თავმჯდომარე განსაკუთრებულ ყურადღებას ამახვილებს იმ ექსპერტული ცოდნის დაკარგვაზე, რომელსაც სამოქალაქო სექტორი ფლობდა. […]

მეტის წაკითხვა

აპრილი 27, 2026 პროგრამა 479 views

RICDOG-ის „One Time Trainings“ – ამერიკელ მოხალისეებთან ერთად

სამეცნიერო-ინტელექტუალური კლუბი „თაობათა დიალოგი“ (RICDOG) აქტიურად აგრძელებს პროგრამას – „One Time Trainings“. პროექტის მიზანია ახალგაზრდებში იმ პრაქტიკული უნარების განვითარება, რომლებიც აუცილებელია თანამედროვე, კონკურენტუნარიან გარემოში თვითრეალიზებისთვის. პროგრამის ფარგლებში ტრენინგები მრავალფეროვან და აქტუალურ თემებს ფარავს: • კარიერული განვითარება: ეფექტური რეზიუმეს (CV) შედგენა და სტიპენდიის მოპოვების სტრატეგიები; • მედიაწიგნიერება: მასმედიის კრიტიკული ანალიზი და ინფორმაციის ფილტრაცია; • კომუნიკაცია და მშვიდობა: კონფლიქტების მართვა ლოკალურ და გლობალურ დონეზე; • კრეატიული ინდუსტრია: სთორითელინგი, პროდუქტის დიზაინი და ბრენდინგი. ორგანიზაცია ყოველთვიურად მასპინძლობს მშვიდობის კორპუსის ამერიკელ მოხალისეებს, რომლებიც საკუთარ პროფესიულ გამოცდილებასა და ცოდნას ინტერაქციულ ფორმატში უზიარებენ მონაწილეებს. თითოეული სესია თეორიული მასალისა და პრაქტიკული სავარჯიშოების სინთეზია, რაც ცოდნის მყისიერ ათვისებას უწყობს ხელს. პროგრამის ერთ-ერთი მთავარი ღირებულება კულტურული დიალოგია. ტრენინგების დროს ამერიკელი სტუმრები მონაწილეებს აშშ-ის ცხოვრებისეულ გამოცდილებასა და დასავლურ სამუშაო ეთიკას აცნობენ, ქართველი ახალგაზრდები კი, თავის მხრივ, საკუთარ ხედვებსა და კულტურულ პერსპექტივებს აზიარებენ. შედეგები ციფრებში: ამ ეტაპისთვის უკვე ჩატარდა 9 ტრენინგი, რომელშიც 100-ზე მეტმა ახალგაზრდამ მიიღო მონაწილეობა. RICDOG გეგმავს „One Time Trainings“-ის […]

მეტის წაკითხვა

აპრილი 23, 2026 Uncategorized 412 views

დედამიწის დღის მნიშვნელობა და გარემოსდაცვითი განათლება | გადაცემა „შუადღე ქუთაისში“ | MEGA TV

დედამიწის დღესთან დაკავშირებით, ტელეკომპანია „მეგა TV“-ის გადაცემაში „შუადღე ქუთაისში“ სამეცნიერო-ინტელექტუალური კლუბი „თაობათა დიალოგის“ (RICDOG) წარმომადგენლებმა – ირაკლი თევზაძემ (RICDOG-ის გენერალური მდივანი) და დიანა აბულაძემ (გენერალური მდივნის მოადგილე) ისაუბრეს გარემოსდაცვით გამოწვევებზე, ეკომეგობრული ქცევის მნიშვნელობასა და ორგანიზაციის როლზე საზოგადოებრივი ცნობიერების ამაღლების პროცესში. დედამიწის დღე და წლევანდელი გლობალური გზავნილი გადაცემის ფარგლებში, RICDOG-ის გენერალურმა მდივანმა, ირაკლი თევზაძემ, აღნიშნა, რომ დედამიწის დღე 1970 წლიდან აღინიშნება და ის წარმოადგენს ერთგვარ გლობალურ პლატფორმას, რომელიც აერთიანებს ადამიანებს გარემოს დაცვის საერთო მიზნის ირგვლივ. მისი თქმით, ეს დღე არის არა მხოლოდ სიმბოლური, არამედ მნიშვნელოვანი შეხსენება: „დედამიწის დღე არის გარკვეულწილად გამაერთიანებელი და შემახსენებელი ღონისძიება“. წლევანდელი გლობალური სლოგანია — „ჩვენი ძალა, ჩვენი პლანეტა“, რომელიც სამი ძირითადი მიმართულების ირგვლივ ერთიანდება: ერთიანობა მრავალფეროვნებაში, გარემოსდაცვით პრობლემებზე ღია და აქტიური საუბარი და დაგროვილი გამოცდილებების გაზიარება. ირაკლი თევზაძე აღნიშნავს:„ჩვენი ძალა მათ შორის არის ერთობასთან და ხმასთან ერთად ის გამოცდილებები, რომლებიც ამ ხნის განმავლობაში დააგროვა სამყარომ… და აი ამ საერთო გამოცდილებების გაცვლას ეთმობა ძალიან დიდი ყურადღება წელს“. ეკომეგობრული […]

მეტის წაკითხვა

აპრილი 17, 2026 Uncategorized პროგრამა 634 views

RICDOG-ში „მოხალისეთა კლუბის“ პროგრამა გრძელდება

სამეცნიერო-ინტელექტუალური კლუბი „თაობათა დიალოგი“ (RICDOG) ტრადიციულად ახორციელებს პროგრამას „მოხალისეთა კლუბი“, რომელიც მიზნად ისახავს მოტივირებული ახალგაზრდების გაერთიანებას, მათი ჩართულობის გაზრდას საზოგადოებრივ ცხოვრებაში, მოხალისეობის პოპულარიზებას და ახალგაზრდების განვითარების მხარდაჭერას. მიმდინარე ციკლი უკვე ერთ თვეზე მეტია აქტიურად მიმდინარეობს. პროგრამის ფარგლებში განსაკუთრებული ყურადღება ეთმობა მოხალისეობის იდეის გაძლიერებას, მონაწილეთა კომპეტენციების განვითარებას და სხვადასხვა ახალგაზრდული ინიციატივების მხარდაჭერას. პროგრამაში ჩართულია დაახლოებით 25 ახალგაზრდა, რომლებიც ერთობლივად მუშაობენ იდეების განვითარებაზე და ახალ შესაძლებლობების შექმნაზე ახალგაზრდებისთვის. მათი აქტიური ჩართულობა და თანამშრომლობა ქმნის საფუძველს ინიციატივების ეფექტიანად განხორციელებისა და ახალგაზრდული სივრცის გაძლიერებისთვის. „მოხალისეთა კლუბი“ წარმოადგენს RICDOG-ის ერთ-ერთ მნიშვნელოვან მიმართულებას, რომელიც ხელს უწყობს ახალგაზრდებში აქტიური მოქალაქეობის, მოხალისეობის, პასუხისმგებლობისა და თანამშრომლობის კულტურის განვითარებას.

მეტის წაკითხვა

აპრილი 6, 2026 Uncategorized 365 views

ყოველკვირეული წევრთა სამუშაო შეხვედრები RICDOG-ში

სამეცნიერო-ინტელექტუალური კლუბი „თაობათა დიალოგი“ (RICDOG) სისტემატურად მართავს ყოველკვირეულ სამუშაო შეხვედრებს ორგანიზაციის წევრებთან. აღნიშნული შეხვედრები წარმოადგენს სივრცეს, სადაც წევრები ერთობლივად განიხილავენ მიმდინარე პროცესებს, იდეებსა და სამომავლო გაგემებს. ასევე, მსჯელობენ – ახალი 2035 განვითარების სტრატეგიის მიმართულებებზე. შეგახსენებთ, სამეცნიერო-ინტელექტუალური კლუბის “თაობათა დიალოგი” ყოველი წლის 17 ნოემბერს, წევრთა მიღებას მართავს, სადაც წევრები ერთი წლის ვადით შეირჩევიან. RICDOG-ში განსაკუთრებული ყურადღება ეთმობა შიდა დემოკრატიის პრინციპებსა და ორგანიზაციულ განვითარებას და სწორედ ამიტომ, წევრებს აქვთ შესაძლებლობა აქტიურად მონაწილეობდნენ გადაწყვეტილებების მიღების პროცესში, გამოხატონ საკუთარი პოზიციები და გავლენა იქონიონ ორგანიზაციის საქმიანობის მიმართულებებზე.

მეტის წაკითხვა

მარტი 19, 2026 Uncategorized 409 views

დასავლეთ საქართველოს ახალგაზრდა ლიდერთა ბანაკი

დასავლეთ საქართველოს ახალგაზრდა ლიდერთა ბანაკმა გააერთიანა 19 ახალგაზრდა 5 რეგიონიდან – იმერეთიდან, აჭარიდან, სამეგრელოდან, რაჭა-ლეჩხუმიდან და გურიიდან. ბანაკის ფარგლებში მონაწილეებს მიეცათ შესაძლებლობა ჩართულიყვნენ ინტენსიურ სამუშაო პროცესში, რომელიც ორიენტირებული იყო მათი საკვანძო კომპეტენციების განვითარებაზე. პროგრამა მოიცავდა ისეთ მნიშვნელოვან მიმართულებებს, როგორიცაა ლიდერობა, გუნდური მუშაობა, ინიციატივების მართვა, აქტიური მოქალაქეობა და ციფრული/მედია კომუნიკაცია. სასწავლო პროცესი დაფუძნებული იყო არაფორმალური განათლებისა და ახალგაზრდული საქმიანობის მიდგომებზე, რაც უზრუნველყოფდა მონაწილეთა აქტიურ ჩართულობას, გამოცდილებით სწავლასა და პრაქტიკული უნარების განვითარებას. ბანაკის მთავარი მიზანი იყო დასავლეთ საქართველოს ახალგაზრდა ლიდერების შესაძლებლობების გაძლიერება, მათი შორის გამოცდილების გაცვლის ხელშეწყობა და ისეთი სივრცის შექმნა, სადაც ახალგაზრდები შეძლებდნენ საკუთარი იდეების განვითარებასა და სამოქალაქო აქტივობაში ჩართვას. შეხვედრების / სესიების სპიკერებს შორის იყვნენ:

მეტის წაკითხვა

მარტი 19, 2026 Uncategorized 429 views

კორპორატიული სოციალური პასუხისმგებლობის ღონისძიება და მხარდამჭერების დაჯილდოება

19 თებერვალს გაიმართა ღონისძიება, რომელიც კორპორატიული სოციალური პასუხისმგებლობის (CSR) თემას დაეთმო და მიზნად ისახავდა ბიზნესისა და სამოქალაქო სექტორის თანამშრომლობის მნიშვნელობის წარმოჩენას. ღონისძიების ფარგლებში განხილული იყო ბიზნესის როლი საზოგადოებრივ განვითარებაში და ის, თუ როგორ შეიძლება პასუხისმგებლიანი პარტნიორობა გარდაიქმნას რეალურ სოციალურ ცვლილებად. ღონისძიების სპიკერებს შორის იყო RICDOG-ის გენერალური მდივანი – ირაკლი თევზაძე, სამეცნიერო-ინტელექტუალური კლუბის “თაობათა დიალოგი” საპატიო გენერალური მდივანი ლანა თოთაძე და RICDOG-ის გენერალური მდივნის მოადგილე – დიანა აბულაძე. მხარდამჭერების დაჯილდოება ღონისძიების მნიშვნელოვანი ნაწილი დაეთმო საქველმოქმედო აქცია-ღონისძიების „ის მაინც არსებობს“ მხარდამჭერების დაჯილდოებას. RICDOG-მა მადლობის სიგელები გადასცა იმ კომპანიებსა და ორგანიზაციებს, რომლებმაც აქტიური მონაწილეობა მიიღეს და მნიშვნელოვანი მხარდაჭერა გაუწიეს სოციალურად დაუცველ მრავალშვილიან ოჯახებს. 2025 წლის კამპანიაში ჩართული იყო დაახლოებით 40-მდე კომპანია და კერძო სექტორის წარმომადგენელი, რაც კიდევ ერთხელ უსვამს ხაზს ბიზნესის სოციალური პასუხისმგებლობის მნიშვნელობას. მხარდამჭერი ორგანიზაციები კამპანიაში მონაწილეობა მიიღეს შემდეგმა ორგანიზაციებმა: ბავშვთა გასართობი ცენტრები: ასევე: დასკვნა RICDOG-ისთვის განსაკუთრებით მნიშვნელოვანია კერძო სექტორისა და სამოქალაქო საზოგადოების თანამშრომლობა, რომელიც ქმნის რეალურ შესაძლებლობებს სოციალური მხარდაჭერისა და პოზიტიური […]

მეტის წაკითხვა

მარტი 19, 2026 Uncategorized 383 views

RICDOG-ის 2025 წლის ანგარიში

სამეცნიერო-ინტელექტუალური კლუბი „თაობათა დიალოგი“ (RICDOG) აქვეყნებს 2025 წლის საქმიანობის ანგარიშს, რომელიც ასახავს ორგანიზაციის მიერ წლის განმავლობაში განხორციელებულ პროექტებს, მიღწეულ შედეგებსა და ძირითად მიმართულებებს. ანგარიშში წარმოდგენილია RICDOG-ის საქმიანობა ახალგაზრდული განვითარების, დემოკრატიის, სამოქალაქო განათლების, სოციალური ინოვაციების და სამოქალაქო საზოგადოების გაძლიერების მიმართულებებით, ასევე განხორციელებული ინიციატივების გავლენა და მიღებული გამოცდილება. დოკუმენტი მიზნად ისახავს გამჭვირვალობის უზრუნველყოფას, დაინტერესებული მხარეებისთვის ინფორმაციის მიწოდებას და ორგანიზაციის საქმიანობის საერთო სურათის წარმოდგენას.

მეტის წაკითხვა

იანვარი 15, 2026 Uncategorized 13 views

RICDOG-ის საქველმოქმედო აქცია „ის მაინც არსებობს“ (2025) შემაჯამებელი ანგარიში

სამეცნიერო-ინტელექტუალურმა კლუბმა „თაობათა დიალოგი“ (RICDOG) საქველმოქმედო აქცია „ის მაინც არსებობს“ 2025 წლის შემაჯამებელი ანგარიში გამოაქვეყნა. დოკუმენტი აერთიანებს ინფორმაციას აქციის განხორციელების პროცესის, მიღწეული შედეგების, მოძიებული რესურსების, მხარდაჭერილი ოჯახების, პარტნიორებისა და განხორციელებული აქტივობების შესახებ. 2025 წელს საქველმოქმედო აქცია უკვე მეთხუთმეტედ განხორციელდა. ინიციატივის ფარგლებში მხარდაჭერა მიიღო 30 ოჯახმა და 127 ბავშვმა, ხოლო საქველმოქმედო და სოციალური ინიციატივების განსახორციელებლად ორგანიზაციის წევრების, მოხალისეების, ინდივიდუალური შემომწირველებისა და პარტნიორი კომპანიების მხარდაჭერით 22 ათას ლარამდე ფინანსური რესურსი შეგროვდა. გარდა ამისა, მოიძია არამონეტარული შემოწირულობებიც, რომელთა საერთო ღირებულება დაახლოებით 10 000 ლარს შეადგენდა. ანგარიშში აღწერილია აქციის მომზადებისა და განხორციელების ყველა ძირითადი ეტაპი, მათ შორის მოხალისეთა და ორგანიზაციის წევრების ჩართულობა, სოციალური მედიის კამპანიები, ფონდების მოძიების აქტივობები, მხარდამჭერი კომპანიებისა და ინდივიდების წვლილი, ასევე შემაჯამებელი ღონისძიება, რომლის ფარგლებშიც საზოგადოებას RICDOG-ის ახალი, 2035 წლამდე განვითარების სტრატეგიაც წარედგინა. RICDOG განსაკუთრებულ მადლობას უხდის თითოეულ მხარდამჭერს, მოხალისეს, პარტნიორ ორგანიზაციას, კომპანიასა და მოქალაქეს, რომლებმაც წვლილი შეიტანეს აქციის წარმატებით განხორციელებაში. სწორედ მათი თანადგომით გახდა შესაძლებელი ათეულობით ოჯახის მხარდაჭერა და საახალწლო პერიოდის უფრო თბილი და ღირსეული გარემოს შექმნა ბავშვებისთვის. შემაჯამებელი […]

მეტის წაკითხვა