გეიმიფიცირება

გეიმიფიცირება – RICDOG-ის ინოვაციური მიმართულება

გეიმიფიცირება (ინგლისურად: gamification) არის მიდგომა, რომელიც არათამაშობრივ გარემოში თამაშის ელემენტების გამოყენებას გულისხმობს, რათა გაიზარდოს მონაწილეთა ჩართულობა, მოტივაცია და სწავლების ეფექტიანობა. ეს მეთოდი ხშირად გამოიყენება განათლებაში, ბიზნესში და სხვა სფეროებში, რათა პროცესები უფრო ინტერაქტიული და მიმზიდველი გახდეს.

გეიმიფიცირების ელემენტები შეიძლება მოიცავდეს ქულების დაგროვებას, დონეების გადალახვას, ჯილდოებს, გამოწვევებს და სხვა თამაშის მექანიზმებს, რომლებიც მონაწილეებს დამატებით სტიმულს აძლევს.

RICDOG-ის ერთ-ერთი მნიშვნელოვანი მიმართულება სწორედ გეიმიფიცირებაა, რომელიც ახალგაზრდული მუშაობისა და არაფორმალური განათლების ახალი შესაძლებლობების აღმოჩენას ემსახურება. ამ მეთოდის გამოყენებით, ჩვენ ვქმნით ინოვაციურ პროგრამებს და ვახორციელებთ პროექტებს, რომლებიც განათლებას უფრო ინტერაქტიულ, სახალისო და ეფექტიან პროცესად აქცევს.

ჩვენი საქმიანობა გეიმიფიცირების მიმართულებით მოიცავს:

• საგანმანათლებლო თამაშების შექმნა:

ვცდილობთ, სწავლების პროცესს მივანიჭოთ შემოქმედებითი ხასიათი, ამიტომ ვქმნით სხვადასხვა ტიპის თამაშებს:

• სამაგიდო თამაშები

• როლური თამაშები

• ქარდ თამაშები

• სხვა ინოვაციური ფორმატები

• პროგრამების განვითარება:

ჩვენს პროექტებში გეიმიფიცირება გამოიყენება როგორც სასწავლო მეთოდი, რაც მონაწილეებს საშუალებას აძლევს, აქტიურად იყვნენ ჩართულნი, გამოიყენონ პრაქტიკული უნარები და განივითარონ შემოქმედებითი და ანალიტიკური აზროვნება.

• ახალი მეთოდოლოგიების დანერგვა:

გეიმიფიცირების ფარგლებში შევიმუშავეთ მიდგომები, რომლებიც ხელს უწყობს გუნდის მუშაობას, ლიდერობის განვითარებას, კომუნიკაციის გაუმჯობესებას და გადაწყვეტილების მიღების უნარების გაძლიერებას.

რატომ გეიმიფიცირება?

გეიმიფიცირება საუკეთესო საშუალებაა ახალი ცოდნის გასაღრმავებლად, უნარების გასავითარებლად და სოციალური ურთიერთობების დასამყარებლად. თამაშის პროცესი არა მხოლოდ სწავლის, არამედ პიროვნული განვითარების ეფექტურ და სახალისო მეთოდს წარმოადგენს.

ჩვენი მიზანი:

გეიმიფიცირების დახმარებით, ახალგაზრდული და საგანმანათლებლო საქმიანობა გავხადოთ უფრო მიმზიდველი, შემოქმედებითი და ეფექტიანი, რათა ახალგაზრდებს მივცეთ საშუალება, სიახლეები და უნარები თამაშის პროცესში შეიძინონ.