„ჩემი ხმა ევროკავშირს“ კოალიციის წევრი – RICDOG

სამეცნიერო-ინტელექტუალური კლუბი „თაობათა დიალოგი“ (RICDOG) იყო კოალიციის „ჩემი ხმა ევროკავშირს“ წევრი და ეცადა წვლილი შეეტანა 26 ოქტომბრის (2024 წ) არჩევნების შესახებ სამოქალაქო საზოგადოების ინფორმირებაში და არჩევნებზე დაკვირვების პროცესში, განსაკუთრებით იმერეთის რეგიონში.

„ჩემი ხმა ევროკავშირს“ ინიციატივის შესახებ

2024 წლის საპარლამენტო არჩევნებს განსაკუთრებული მნიშვნელობა ჰქონდა საქართველოსთვის. ეს იყო პერიოდი, რომელიც ქვეყნის შემდგომი განვითარების ვექტორს განსაზღვრავდა და რომელშიც ამომრჩეველს უნდა გაეკეთებინა არჩევანი ევროკავშირსა და რუსეთს შორის.

ამ პირობებში, ევროკავშირის მხარდამჭერი მძლავრი კამპანიის წარმართვა და არჩევნებზე დაკვირვება კრიტიკულ მნიშვნელობას იძენდა. კამპანიის მიზანი იყო არა მხოლოდ საარჩევნო პროცესის შეფასება, არამედ დარღვევების პრევენცია და ამომრჩეველთა ინფორმირება.

RICDOG-ის როლი კამპანიაში

„ჩემი ხმა ევროკავშირს“ – ინიციატივის ძირითადი მიმართულებები

საინფორმაციო კამპანია

2024 წლის არჩევნები საქართველოში აღიქმებოდა, როგორც ერთგვარი რეფერენდუმი ევროკავშირსა და რუსეთს შორის.

• კამპანიის ფარგლებში ხორციელდებოდა მედია მასალების მომზადება, მათი გავრცელება და საზოგადოებასთან კომუნიკაციის სხვადასხვა ფორმატით წარმართვა.

• ჩატარდა კარდაკარის კამპანია, რომლის მიზანი იყო პროევროპული ამომრჩევლის მობილიზება და ევროკავშირის უპირატესობების გაცნობა.

მასშტაბური სადამკვირვებლო მისია – „ჩემი ხმა“

კოალიციის ქოლგის ქვეშ განხორციელდა ერთ-ერთი ყველაზე ფართომასშტაბიანი სადამკვირვებლო მისია, რომელიც მოიცავდა:

• არჩევნების წინასაარჩევნო პერიოდისა და არჩევნების დღის მონიტორინგს;

• ამომრჩეველთა უფლებების დაცვას;

• საარჩევნო დარღვევების გამოვლენას და რეაგირებას;

• საარჩევნო საკითხებზე საერთაშორისო და ადგილობრივ პარტნიორებთან თანამშრომლობას.

სადამკვირვებლო მისია მოიცავდა საქართველოში და საზღვარგარეთ გახსნილ საარჩევნო უბანებს.

RICDOG-ის ჩართულობით

✔ იმერეთის რეგიონში გაძლიერდა სამოქალაქო საზოგადოების აქტიურობა და ინფორმირებულობა;

✔ ხელი შეუწყო ევროპული არჩევანის მნიშვნელობის შესახებ ფართომასშტაბიანი კომუნიკაციის გაძლიერებას;

✔ მონაწილეობდა საარჩევნო პროცესის გამჭვირვალობის დაცვასა და დარღვევების პრევენციაში.

„ჩემი ხმა ევროკავშირს“ იყო ერთ-ერთი ყველაზე მძლავრი სამოქალაქო ინიციატივა, რომელიც მიზნად ისახავდა საქართველოს დემოკრატიული მომავლის დაცვას. 

მეტი “ჩემი ხმა ევროკავშირს” შესახებ