მეტის წაკითხვა

აპრილი 29, 2025 Uncategorized 568 views

ინოვაციური საგანმანათლებლო პროგრამა სოციალურად დაუცველი ბავშვებისთვის ქუთაისში

სამეცნიერო-ინტელექტუალური კლუბი „თაობათა დიალოგი“ (RICDOG) წარმატებით ახორციელებს ინოვაციურ საგანმანათლებლო პროგრამას, რომელიც განკუთვნილია 6-12 წლის სოციალურად დაუცველი ბავშვებისთვის. პროგრამის მიზანია მონაწილეთა შემოქმედებითი, კრიტიკული აზროვნების, კომუნიკაციის უნარ-ჩვევების განვითარება და ინგლისური ენის სწავლება სახალისო და ინოვაციური მეთოდების გამოყენებით. პროგრამა ხორციელდება ქუთაისში, ახლადშექმნილ სოციალური საწარმოს სივრცეში და დაფინანსებულია ორბელიანი მეტის პლატფორმაზე სახალხო დაფინანსებით (ქრაუთფანდინგით) მოპოვებული რესურსებით. უფასოდ პროგრამა 3 ჯგუფისთვის განხორციელდება, რომელთაგან უკვე 2 ჯგუფისთვის პროგრამა დაწყებულია, ხოლო მესამე ჯგუფის დაკომპლექტებაზე საორგანიზაციო ჯგუფი ამ ეტაპზე მუშაობს. მიღწეული შედეგები პროგრამის ფარგლებში დაიგეგმა და განხორციელდა მონაწილეთა შერჩევისა და სასწავლო პროცესის მომზადების მნიშვნელოვანი ეტაპები. განსაკუთრებული ყურადღება დაეთმო ასაკობრივ ჯგუფებზე სწორად მუშაობას: მონაწილეები დაიყვნენ ორ კატეგორიად — 6-8 წლის და 9-12 წლის ბავშვები. ასაკობრივი დაყოფის შემდეგ ჩატარდა ინგლისური ენის ცოდნის დონის დიაგნოსტიკა, რომლის საფუძველზე მოხდა ბავშვების საბოლოო გადანაწილება შესაბამის ჯგუფებში. პროგრამაში ჩართული იყო 18 ბავშვი, მათგან 11 გოგო და 7 ბიჭი, 9 სხვადასხვა ოჯახიდან. ჯგუფების სრულფასოვნად დაკომპლექტების შემდეგ დაგეგმილ იქნა 6 გაკვეთილის ჩატარება თითოეული ჯგუფისთვის. სასწავლო პროცესს ხელმძღვანელობს […]

მეტის წაკითხვა

მეტის წაკითხვა

აპრილი 29, 2025 Uncategorized 546 views

საკანონმდებლო ცვლილებები, რომლებიც ზღუდავს ხალხის დახმარების თავისუფლებას

ტელეკომპანია „მეგა TV“-მა მოამზადა სიუჟეტი და გადაცემა ბოლო პერიოდში მიღებულ საკანონმდებლო ცვლილებებზე, რომლებიც, გრანტების გაცემისას წინასწარი ნებართვის აღებას გულისხმობს. ცლილებები რომელიც 16 აპრილს იქნა მიღებული, არასამთავრობო ორგანიზაციების შეფასებით, ძირითად საფრთხეს უქმნის სამოქალაქო საზოგადოების თავისუფლებასა და განვითარებას. სიუჟეტში სამეცნიერო-ინტელექტუალური კლუბის „თაობათა დიალოგი“ (RICDOG) გენერალური მდივანი ირაკლი თევზაძე მკაცრად აფასებს ცვლილებებს. მისი თქმით, ეს წარმოადგენს წნეხისა და კონტროლის მცდელობას, რომელიც დააზიანებს სტუდენტების, ახალგაზრდების, სპეციალური საჭიროებების პირების, ქალების, დევნილების და სხვადასხვა ჯგუფების ინტერესებს და გაართულებს ქართული სამოქალაქო სექტორის მხრიდან ადამიანების მხარდაჭერას. ხოლო, ამავე თემაზე მომზადებულ გადაცემაში ნუგზარ კოხრეიძემ, MEGA tv-ის პირდაპირ ეთერში, აღნიშნა რომ ეს ცვლილება არის დონორის გადაწყვტილებისა და საქმიანობის თავისუფლებაში ჩარევა და მისი შეზღუდვა. გადაცემაში მან ასევე ისაუბრა, რომ არსებობს სხვა ქვეყნების გამოცდილება, სადაც მსგავსი კანონის მიღების შემდეგ დონორებმა დატოვეს ქვეყანა და შეაჩერეს საქმიანობა. როგორც გადაცემაში და სიუჟეტშია ნათქვამი, ეს და სხვა, სამოქალაქო სექტორის წინააღდეგ მიმართული ნაბიჯები ეწინააღმდეგება ევროინტეგრაციის პროცესს. ცნობისთვის, ქართული არასამთავრობო ორგანიზაციები აღნიშნავენ, რომ ეს ცვლილებები, მიზნად ისახავს საქართველოს […]

მეტის წაკითხვა

მეტის წაკითხვა

აპრილი 21, 2025 Uncategorized 582 views

გეიმიფიცირების მიდგომის და ტექნილოგიების გამოყენების მნიშვნელობა

სამეცნიერო-ინტელექტუალური კლუბის „თაობათა დიალოგი“ (RICDOG) თავმჯდომარე და თანადამფუძნებელი ნუგზარ კოხრეიძე სტუმრად იმყოფებოდა ტელეკომპანია „რიონის“ გადაცემაში „ჩემი დღე“. გადაცემის მთავარ თემას წარმოადგენდა გეიმიფიცირება, როგორც ერთ-ერთი ინოვაციური და ეფექტური მიდგომა როგორც საგანმანათლებლო, ისე სამოქალაქო სექტორის საქმიანობაში. ნუგზარ კოხრეიძემ ისაუბრა იმაზე, თუ როგორ შეიძლება გეიმიფიცირების მეთოდების გამოყენება პროგრამებსა და პროექტებში, ახალგაზრდების ჩართულობის გასაძლიერებლად, უნარების განვითარების ხელშესაწყობად და რუტინული პროცესების უფრო ეფექტიანად გადმოსაცემად. გარდა ამისა, გადაცემაში განხილული იყო ტექნოლოგიების და ხელოვნური ინტელექტის ინსტურმენტების ინტეგრაციის მნიშვნელობა სამოქალაქო სექტორის ყოველდღიურ მუშაობაში — როგორც არაფორმალური განათლების პროცესებში, ისე საზოგადოების ინფორმირების მექანიზმებში. იხილეთ გადაცემა და გაიგეთ მეტი იმ ინოვაციური მიდგომების შესახებ, რომელსაც RICDOG საკუთარ საქმიანობაში იყენებს.

მეტის წაკითხვა

მეტის წაკითხვა

აპრილი 9, 2025 Uncategorized 591 views

9 აპრილი – თავისუფლებისთვის ბრძოლის ქართული სიმბოლო

“9 აპრილი გვახსენებს, რომ თავისუფლებისთვის ბრძოლა არ მთავრდება — ის გრძელდება ყოველ დღე, როცა არ ვთანხმდებით ძალადობაზე, უსამართლობაზე და შიშზე” – ირაკლი თევზაძე, RICDOG-ის გენერალური მდივანი. “გვახსოვს, ვუფრთხილდებით და ვაგრძელებთ ბრძოლას ღირებულებებისთვის!” ინფორმაციისთვის, 36 წლის წინ, თბილისში შემზარავი ტრაგედია დატრიალდა. 1989 წლის 9 აპრილს გამთენიისას, რუსთაველის გამზირზე, საბჭოთა კავშირის სადამსჯელო ნაწილებმა მშვიდობიანი საპროტესტო აქცია ძალადობრივი მეთოდებით დაარბიეს.  • დაიღუპა  21 ადამიანი, უმეტესობა ქალები, მათ შორის სკოლის მოსწავლეებიც. ამას გარდა იყვნენ დაჭრილები და დაუდგენელი ქიმიური ნივთიერებით მოიწამლა 2000-ამდე ადამიანი. 1989 წლის 9 აპრილიდან ზუსტად მეორე წლისთავზე საქართველოს უზენაესმა საბჭომ ზვიად გამსახურდიას მეთაურობით საქართველოს დამოუკიდებლობის აქტი მიიღო.  • 9 აპრილი საქართველოს უახლეს ისტორიაში ჩაეწერა ტრაგედიის და ამავდროულად საქართველოს დამოუკიდებლობის აღდგენის დღედ.  ასე დარჩა საქართველოს ისტორიაში ეს სისხლიანი დღე –   9 აპრილი –  ქართველი ხალხის დიდი ეროვნულ-განმათავისუფლებელი მოძრაობა და ტრაგედია, რომელმაც ისტორიაზე  დიდი ზეგავლენა მოახდინა, დააჩქარა საბჭოთა ბოროტების იმპერიის დაშლა.

მეტის წაკითხვა

მეტის წაკითხვა

აპრილი 5, 2025 Uncategorized 684 views

ნუგზარ კოხრეიძე გადაცემაში „შუადღე ქუთაისში“ — მიგრაციის საკითხებზე

ნუგზარ კოხრეიძე RICDOG-ის თავმჯდომარე და თანადამფუძნებელი, მიწვეული იყო ტელეკომპანია „მეგა TV“-ის გადაცემაში „შუადღე ქუთაისში“, სადაც ისაუბრა მიგრაციის საკითხებზე. გადაცემის ფარგლებში განხილული იყო შემდეგი თემები: ნუგზარ კოხრეიძემ განსაკუთრებით გაუსვა ხაზი იმ გარემოებებს, რომლებიც საქართველოში მიგრაციის მიმართ კომპლექსურ და მრავალშრიან მიდგომას საჭიროებს — მათ შორის, ეკონომიკური პირობები, განათლების ხელმისაწვდომობა, შრომის ბაზრის შესაძლებლობები და დემოგრაფიული მახასიათებლები. მან ასევე წარმოადგინა ხედვები, თუ როგორ შეიძლება დამოუკიდებელი კვლევების, ახალგაზრდული ინიციატივებისა და სამოქალაქო საზოგადოების ჩართულობით შეიქმნას მიგრაციისადმი უფრო მდგრადი და გრძელვადიანი მიდგომები. ინფორმაციისთვის: ნუგზარ კოხრეიძე არის სამეცნიერო-ინტელექტუალური კლუბის „თაობათა დიალოგი“ დამფუძნებელი და თავმჯდომარე, კლიმატის ცვლილებისა და ადამიანის უფლებების საკითხების მკვლევარი და აქტივისტი. ის ასევე არის CAN EECCA-ის (კლიმატის სამოქმედო ქსელი – აღმოსავლეთ ევროპა, კავკასია და ცენტრალური აზია) ბორდის წევრი, და მრავალი საერთაშორისო პლატფორმის მონაწილე. ნუგზარს აქვს მრავალწლიანი გამოცდილება გლობალურ კლიმატურ მოლაპარაკებებში მონაწილეობასა და სამოქალაქო საზოგადოების გაძლიერებაში. მას აქტიური წვლილი შეაქვს როგორც სსო-ების გაძლიერებაში, გადაწყვეტილების მიღების პროცესებში მოქალაქეთა ჩართულობის, გარემოსდაცვითი პოლიტიკის განვითარებაში, ისე სოციალური სამართლიანობის მხარდაჭერაში, როგორც ადგილობრივ, […]

მეტის წაკითხვა

მეტის წაკითხვა

აპრილი 5, 2025 Uncategorized 691 views

ქუთაისში მოხალისეობრივი გამოცდილების საუკეთესო მაგალითი გვაქვს და ეს გვირილობაა – ირაკლი თევზაძე

სამეცნიერო-ინტელექტუალური კლუბის „თაობათა დიალოგი“ (RICDOG) გენერალური მდივანი ირაკლი თევზაძე ტელეკომპანია „მეგა TV“-ის გადაცემაში „შუადღე ქუთაისში“ სტუმრად იმყოფებოდა. გადაცემაში მან ისაუბრა მოხალისეობის მნიშვნელობაზე ახალგაზრდებისთვის, განსაკუთრებით კი იმაზე, თუ როგორ შეიძლება მოხალისეობრივი გამოცდილება იქცეს პიროვნული განვითარების, პროფესიის არჩევისა და კარიერული გზის დაგეგმვის საფუძვლად. ირაკლიმ ასევე მაყურებელს საკუთარი მაგალითი გაუზიარა — თუ როგორ იქცა მოხალისეობრივი საქმიანობა მისთვის პროფესიულად მნიშვნელოვან გამოცდილებად და კარიერული გზის ნაწილად. მან განსაკუთრებით გაამახვილა ყურადღება იმაზე, რომ მოხალისეობა მხოლოდ ალტრუისტული ქმედება არ არის — ის შეიძლება იქცეს ახალგაზრდისთვის გზად, რომლის მეშვეობითაც ისინი აღმოაჩენენ საკუთარ ინტერესებს, უნარებს და შესაძლებლობებს. ინფორმაციისთივის: ირაკლი თევზაძე არის სამეცნიერო-ინტელექტუალური კლუბის „თაობათა დიალოგი“ (RICDOG) გენერალური მდივანი, ახალგაზრდული პოლიტიკის სპეციალისტი და ახალგაზრდული მუშაკი, ტრენერი და სოციალური მეწარმეობის განვითარების აქტიური მხარდამჭერი (სოციალური მეწარმეობის საუკეთესო ახალგაზრდა ელჩი 2024). მას აქვს მრავალწლიანი გამოცდილება ახალგაზრდებთან მუშაობაში, არაფორმალური განათლების მეთოდოლოგიების განვითარებასა და ადგილობრივი ინიციატივების მხარდაჭერაში. ირაკლი ასევე აქტიურად მონაწილეობს სოციალურ კამპანიებში, საქართველოსა და მის ფარგლებს გარეთ.

მეტის წაკითხვა

მეტის წაკითხვა

მარტი 26, 2025 Uncategorized 494 views

ᲐᲮᲐᲚᲒᲐᲖᲠᲓᲐ ᲚᲘᲓᲔᲠᲔᲑᲘᲡ ᲦᲘᲐ ᲙᲝᲜᲙᲣᲠᲡᲘ

ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „იმოქმედე საქართველოსთვის: მტკიცე და აქტიური სამოქალაქო საზოგადოება ცვლილებებისთვის“ ფარგლებში ცხადდება ღია კონკურსი საქართველოს 10 რეგიონში ახალგაზრდა ლიდერების შერჩევის მიზნით. აღნიშნული ინიციატივის მიზანია საქართველოს რეგიონებში ახალგაზრდების სამოქალაქო ჩართულობის გაძლიერება, ინკლუზიური და წარმომადგენლობითი ახალგაზრდული ინიციატივების განხორციელების ხელშეწყობა, ახალგაზრდების მიერ ადგილობრივი თემის საჭიროებების იდენტიფიცირება და მათ მოგვარებაში მონაწილეობა. შერჩეული ახალგაზრდები ათთვიანი ანაზღაურებადი პროგრამის ფარგლებში აქტიურად ითანამშრომლებენ რეგიონულ სამოქალაქო საზოგადოების ორგანიზაციებთან, წარმართავენ ახალგაზრდულ ინიციატივებს (საჯარო შეხვედრებს, დისკუსიებს, სათემო ღონისძიებებს და სხვ.) და მოამზადებენ რეკომენდაციებს ახალგაზრდული საკითხების ირგვლივ. მეტი ინფორმაციისთვის იხილეთ კონკურსის პირობები ბმულზე: ახალგაზრდები შეირჩევიან შემდეგი კრიტერიუმების მიხედვით:  აპლიკაციების მიღების ბოლო ვადაა: 2025 წლის 4 აპრილი, 18:00 საათი.  RICDOG წარმოადგენს პროექტის ფარგლებში სამოქალაქო საზოგადოების ჰაბი ორგანიზაციას.

მეტის წაკითხვა

მეტის წაკითხვა

მარტი 15, 2025 Uncategorized 438 views

RICDOG-ის პრეზენტაცია

Copy of RICDOG პრეზენტაცია ქართული by RICDOG Copy of RICDOG – ინგლისური პრეზენტაცია by RICDOG

მეტის წაკითხვა

მეტის წაკითხვა

მარტი 8, 2025 Uncategorized 651 views

საინფორმაციო შეხვედრა ევროკავშირის შესახებ RICDOG-ში

RICDOG-ში ახალგაზრდებთან საინფორმაციო შეხვედრა გამართა, რომელიც ევროკავშირის, მისი სტრუქტურებისა და საქართველო-ევროკავშირის ურთიერთობის ისტორიას მიეძღვნა. შეხვედრას RICDOG-ის გენერალური მდივანი, ირაკლი თევზაძე უძღვებოდა. მონაწილეებმა იმსჯელეს ევროკავშირის როლსა და მნიშვნელობაზე, მის ისტორიულ განვითარებაზე და იმ შესაძლებლობებზე, რასაც სხვადასხვა ფორმატით ევროკავშირი ქმნის. დისკუსიისას ახალგაზრდებმა თავიანთი შეხედულებები, წარმოდგენები და მოსაზრებები გააზიარეს, რაც შესაძლებლობას აძლევს მათ, უკეთ გააცნობიერონ ევროკავშირთან დაკავშირებული საკითხები. ეს შეხვედრა RICDOG მოხალისეთა პროგრამის მონაწილეებისთვის გაიმართა და მისი მიზანია ახალგაზრდებისთვის ცოდნის გაღრმავება და კრიტიკული აზროვნების განვითარება. პროგრამა ახალგაზრდებს სთავაზობს სივრცეს ახალი ცოდნისა და გამოცდილების შესაძენად, რაც მათ მოხალისეობრივი საქმიანობის გზით საზოგადოების განვითარების პროცესში ჩართვის საშუალებას აძლევს.

მეტის წაკითხვა

მეტის წაკითხვა

მარტი 1, 2025 Uncategorized 611 views

იმერეთში დაზარალებული მოსახლეობის მხარდასაჭერად – RICDOG

დასავლეთ საქართველოში, განსაკუთრებით იმერეთის რეგიონში, მძიმე მეტეოროლოგიური პირობების შედეგად შექმნილი გამოწვევების საპასუხოდ, სამეცნიერო-ინტელექტუალური კლუბი „თაობათა დიალოგი“ (RICDOG) უკვე მესამე დღეა აქტიურად ახორციელებს შემოწირულობების შეგროვებას. ორგანიზაცია თანამშრომლობს როგორც ბიზნეს სექტორთან, ასევე ინდივიდუალურ დონორებთან, რათა მოზიდული რესურსები იმერეთში დაზარალებული მოსახლეობისა და ადგილზე მოქმედი მოხალისეთა ჯგუფების მხარდასაჭერად გამოიყენოს. თუ გსურთ, თქვენც დაგვეხმაროთ და მხარი დაუჭიროთ დაზარალებულ მოსახლეობას და მოხალისეებს, შეგიძლიათ განახორციელოთ შემოწირულობა შემდეგ ანგარიშზე: ანგარიშის ნომერი: GE50BG0000000607050548GEL მომსახურე ბანკი: საქართველოს ბანკი მიმღები: სამეცნიერო-ინტელექტუალური კლუბი „თაობათა დიალოგი“ დანიშნულება: შემოწირულობა გთხოვთ, აუცილებლად მიუთითეთ დანიშნულებაში – „შემოწირულობა“, რათა თქვენი დახმარება დაზარალებულთა მხარდამჭერ კამპანიას მოხმარდეს. ერთად შევძლებთ იმერეთში დაზარალებულთა მხარდაჭერას!

მეტის წაკითხვა